fishing with alvaro

Normativa de pesca en augas continentais en Galicia para a temporada 2012

2012-02-08T21:28:00.008+01:00

O 18 de Xaneiro saiu publicada no D.O.G. a orde pola que se establece a normativa de pesca en augas continentais en Galicia para a temporada 2012.

Con carácter xeral; o período hábil para a pesca da troita vai dende o 18 de Marzo ó 31 de Xullo. Nos coutos de pesca sen morte, coutos intensivos e tramos de pesca sen morte, o período hábil vai dende o 18 de Marzo ata o 30 de Setembro. Nas masas de auga establecidas como como de salmón, reo e nas cabeceiras de ríos de montaña será dende o 1 de Maio a o 31 de Xullo.

A gran novidade desta temporada é que con carácter xeral o período hábil para a pesca da troita acórtase en 15 días. Pero por outra banda, nos coutos convencionados coas sociedades colaboradoras de pesca, prolóngase a temporada ata o 30 de Setembro na modalidade de pesca sen morte. Ademais, nos coutos tradicionais poderase pescar na devandita modalidade os xoves, establecidos coma días inhábiles para estes coutos na modalidade de pesca tradicional.

Para mais detalles, deixo o enlace da orde:

http://www.xunta.es/dog/Publicados/2012/20120118/AnuncioC3H1-090112-10808_gl.html

Restauración do río Elwha (Estados Unidos)

2011-10-26T01:59:00.001+02:00

A demolición de grandes presas é algo habitual dende hai anos en Estados Unidos. Aquí, no país da pandereta, seguimos a degradar a nosa natureza en beneficio duns poucos.

Reos guiados en Galicia no 2011 Act. 01-10-11

2011-10-17T23:21:00.005+02:00

Pinchar no cadro para velo ampliado

Salmóns capturados e reos guiados en Galicia no 2011 Act. 18-07-11

2011-08-08T17:35:00.005+02:00

Pinchar nos cadros para velos ampliados

Golpe ó Anllóns na Laracha

2011-07-13T23:18:00.005+02:00

Fotografías por S.P.C.R. Fario A Laracha

Malas noticias para a natureza... Que novidade! Pois si; A pasada fin de semana aparecían na parte alta do recén estreado Couto da Laracha, un número considerable de troitas co bandullo mirando ós abeneiros. A auga do Anllóns, moi escasa xa a estas alturas do ano, baixaba cunha cor gris-blanquecina por debaixo da "depuradora" da localidade larachesa. Os cadáveres das troitas recuperadas e non recuperadas (grandes e pequenas) contábanse por centos. Agora ós socios da S.P.C.R. Fario (a cal colabora con Medio Rural na xestión do devandito couto), quédasenos cara de parvos e incrédulos ante semellante desfeita. O traballo realizado, mimando e coidando do río e o seu entorno durante os últimos anos no valeu de nada, porque centos de metros de vida fluvial están barridos do mapa. Os gardas da Xunta xa presentaron a correspondente denuncia: Esperemos que non se garde nun caixón e que fique no olvido. O culpable ou culpables que paguen por esta neglixencia. E rematando xa; dicir que estes sucesos pasan, porque nesta república bananera da que din que forma parte da Unión Europea, recibíronse durante moitos anos fondos para que hoxe en día as nosas augas estiveran depuradas e limpas... Na vez deso temos o que temos; non temos unha merda, senón que temos moita merda pinchada nun pau.

Salmóns capturados e reos guiados en Galicia no 2011 Act. 04-07-11

2011-07-06T01:04:00.004+02:00

Pinchar nos cadros para velos ampliados

Endesa pretende liberar centos de toneladas de lodos tóxico no Eume

2011-06-27T20:07:00.003+02:00

Pois si, Endesa, unha desas empresas que van de "verdes" pola vida, pretende sacar os lodos acumulados durante décadas no encoro de A Capela no río Eume e ceibalos río abaixo, co fin de pór en marcha o caudal ecolóxico que ata agora non cumpriu. Esto preténdeo facer mediante a presentación dun proxecto ambiental á Xunta no que a actuación é a retirada deses lodos para arranxar o desaugadoiro do fondo da presa.

Na miña opinión, Endesa, maís que unha gran empresa é unha cheirenta morea de bosta. Que gasten o diñeiro (que teñen moito a costa de roubar a Galicia) e que fagan as cousas como debe de ser: Que saquen eses lodos, pero que os depositen nun lugar seguro onde non exista risco de contaminación para o medio ambiente.

Para máis información, ler a noticia de GaliciaHoxe.com a través da seguinte ligazón:

http://www.galiciahoxe.com/vivir-hoxe-galicia/gh/endesa-quere-verter-o-eume-lodos-acumulados-cincuenta-anos-na-presa/idEdicion-2011-06-25/idNoticia-682063/

De paus e de pesca. Boicalvo: Couto sen... troita. Cecebre: Selva amazónica

2011-05-27T22:50:00.013+02:00

Nas últimas temporadas de pesca, estáseme dando por dar "paus de cego". É dicir, o de ir a un río ou tramo ó que nunca fora ou que nunca pescara... E que gran acerto a expresión "paus de cego", porque paus estou levando unha morea deles. Por unha parte, vas tan tranquilo pescar a ese sitio novo que non coñeces e con incertidume e o resultado da aventura, a maioría das veces é decepcionante. E por outra podes vir máis ou menos contento, pero cando chegas ó coche atopas a chapa coa "sinatura" dalgún Australophitecus que aínda non superou as fases para chegar a Homo Sapiens. Xa me ocorreu este detalle en máis dunha ocasión; e só podo dicir que estes galeguiños saídos de detrás da silveira e tan detallistas comigo, tiveron moita sorte de que non os pillara deixándome a súa "marca persoal". Sei o que pretenden, como é obvio. Pero a min non me intimidan esta panda de retrasados que se adican a facer mal ó que non lles pertence. Deben ter medo de que non lles queden troitas nos ríos porque cren (coma os ladróns) que todos son da súa condición. Son criaturas desa especie que neste país é tan dañina e que non damos acabado con ela. Son os que realmente fan mal ós ríos, por que arramplan con todo para o peto (con tal de que teña ollos xa lles val). Eu teño uns principios e son fiel a eles: Non vou baixar as orellas e mirar e ir para outro lado. Polo tanto a min non me van quitar de ir ó río.

E como comentaba ó principio, hai paus que xa te atopas segundo vas entrar no río ou cando comezas a pescar e ves o cruda realidade: Pasoume hai uns días cando se me ocorreu probar sorte e visitar o Couto de Boicalvo no río Lengüelle, xa que pescara outros tramos libres do devandito río e que son moi decentes e do mellor que hai por aquí cerca. Pois a realidade que vin foi frustrante: Por unha banda, sorprendeume que houbese tantos coutos dispoñibles á venda a estas alturas da temporada. E por outra, e xa no río, vin que nas beiras non había carreiros dos pescadores... Mala señal! O tempo que ía non era o máis alentador (vento do nordés moderado), pero nen unha troita en postura, só se vía o fondo do río e os brizos, e nada máis. Moi pouquiña vida piscícola, resumindo. Nunha corrente, a culleriña conseguiu enganar unha pequena pintona duns 13 cm e que voltuou inmediatamente ó seu medio. Seguín río abaixo e abrindo camiño sen ningunha picada nin nada que me sorprendese. Ás 3 horas voltei para a casa preguntándome como a administración autonómica ten a cara de cobrar un permiso para pescar un couto que non ten vida... Que non ten pesca. Está visto que o verquido que matou centos de troitas en Outubro de 2008 deixou o tramo deserto de troitas, e á vista está que non se fixo nada por recuperalo. Na miña opinión, debería estar vedado. Frustrante ver a deixadez de funcións da Consellería competente.

E enlazando con esta deixadez, escribo agora sobre o Couto de Cecebre sen morte. Cada ano é máis difícil acceder a pescar, porque a maleza invade as inmediacións do río Mero. É literalmente unha selva, na que as silvas e as herbas superan os 2 m, sen esaxerar. A este paso hai que ir cana nunha man e fouce na outra, porque se non é imposible. A onde pretenden chegar os que teñen a vara de mando? Non se dan conta que o feito de ter uns ríos limpos e con vida é un reclamo turístico que supón ingresos económicos para a hostelería? Pois nada... Nós ó noso... Canto temos que aprender neste senso (e en moitos outros) dos Estados centroeuropeos! Temos o que nos merecemos: País bananero!

O río Xallas recupera a súa fervenza

2011-04-21T02:26:00.003+02:00

A Fervenza do Ézaro do río Xallas, volve ser unha fervenza dende que hai uns 23 anos deixase de selo, pola permisividade da Administración competente ante a seca levada a cabo pola "todopoderosa" Ferroatlántica de Villar Mir. Corre agora, de Santa Uxía para abaixo, o caudal ecolóxico obrigatorio por lei, e que a devandita empresa pasaba polo forro. Agora a Augas de Galicia non lle queda outra que obrigar a cumplilas normas, grazas ás denuncias e accións levadas a cabo por asociacións como AEMS-Ríos con Vida e pola Fiscalía de Medio Ambiente do TSXG. Unha batalla vencida dentro desta guerra contra os terroristas medioambientais que utilizan e deterioran o medio natural para beneficio propio.

Máis información nas seguintes ligazóns:

http://www.galiciahoxe.com/portada/gh/ezaro-ten-auga/idEdicion-2011-04-17/idNoticia-660237/

http://www.laopinioncoruna.es/metro/2011/04/14/xunta-obliga-ferroatlantica-abrir-cascada-rio-xallas/486622.html

AEMS-Ríos con Vida denuncia que a presa de Cecebre incumple a Lei

2011-03-22T21:12:00.003+01:00

AEMS-Ríos con Vida presentou hai uns días unha denuncia ante a Fiscalía por posible delito mediambiental; xa que o encoro de Cecebre incumple a lexislación ó non ter unha escada habilitada para o remonte das especies migradoras (Troita, Reo, Salmón, Anguía, etc.) e non respectar o caudal ecolóxico.

Máis información nesta ligazón:

http://www.laopinioncoruna.es/metro/2011/03/11/ecologistas-denuncian-fiscal-presa-cecebre-incumple-ley/475553.html

Veto do Parlamento Galego á construción de novos encoros

2011-02-09T19:20:00.002+01:00

Segundo unha noticia de Xornal.com, o Parlamento Galego vén de acordar o veto á construción de novos encoros nos ríos galegos... Xa era hora! Parece que os aproveitamentos hidroeléctricos bloquedos polo bipartito en 2005 e tramitados con présa polo executivo de Fraga antes de deixar o goberno da Xunta, serán finalmente anulados e non se construirán.

Para máis información:

http://www.xornal.com/artigo/2011/02/08/galicia/veto-unanime-construcion-novos-encoros-nos-rios-galegos/2011020823034102949.html

Normativa de pesca en augas continentais en Galicia para a temporada 2011

2011-02-03T23:04:00.006+01:00

Saiu publicada no D.O.G. a orde pola que se establece a normativa de pesca en augas continentais en Galicia para a temporada 2011:

Con carácter xeral, o período hábil para a pesca da troita vai dende o 20 de Marzo ó 15 de Agosto. Nos coutos de pesca sen morte, coutos intensivos e tramos de pesca sen morte, o período hábil é dende o 20 de Marzo ó 30 de Setembro. Nas masas de auga establecidas como de salmón, reo e nas cabeceiras de ríos de montaña será dende o 1 de Maio ó 15 de Agosto.

Hai que destacar que o tramo libre de pesca sen morte de Rábade, no Río Miño, non tornou a tramo libre tradicional. Días atrás, nalgúns sitios da rede, advertíase que a Xunta podía levar a cabo a cacicada de catalogar o devandito tramo como de pesca con morte, pero afortunadamente non foi así. Polo tanto, esta é unha gran noticia.

Para máis información deixo o enlace da orde:

http://www.xunta.es/dog/Dog2011.nsf/0e5fb445f3681a75c1257251004b10d7/f843256988f97627c125782a005ea62d/$FILE/02200D013P056.PDF

O Eume en perigo de morte

2010-12-02T01:28:00.005+01:00

O río Eume e as súas fragas; unha das moitas marabillas deste recuncho da península, segue en perigo de morte, a causa do famoso sulfato de ferro procedente das filtracións hidrolóxicas consecuencia da obra da autovía Ferrol-Vilalba. Por outra banda, o río segue case seco en pouco máis de 3 km. Dende o dique do encoro dos terroristas medio ambientais, Endesa, ata a central de Ventureria: Non hai caudal ecolóxico... Os tempos de Franco, neste e noutros aspectos, seguen presentes. País bananero!

Nesta ligazón que poño abaixo, accédese ó vídeo no que se ve con claridade o atentado ecolóxico que se está a levar a cabo coa permisividade das administracíóns competentes. Unha imaxe val máis que mil palabras:

http://www.youtube.com/watch?v=RagbYE_QuuU

Reos guiados en Galicia no 2010 Act. 27-09-10

2010-10-09T18:09:00.004+02:00

Reos guiados en Galicia no 2010 Act. 13-09-10

2010-09-17T14:43:00.003+02:00

Datos actualizados a 13 de Setembro sobre os reos guiados nos nosos ríos, logo de que no mes de Agosto a Consellería do Medio Rural non publicara os devanditos números. Éstes son (como é obvio) oficiais e orientativos, xa que hai moitos reos que se sacrifican pero que non se guían. Aínda así, e como reflexa o cadro, os datos van camiño de facer que a temporada reeira deste 2010 sexa tan mala coma a do ano 2007.

Pinchar no cadro para velo ampliado

Salmóns capturados e reos guiados en Galicia no 2010 Act. 26-07-10

2010-07-27T14:25:00.003+02:00

Pinchar nos cadros para velos ampliados

Verquido de purín no Río Donas

2010-07-26T14:04:00.002+02:00

Noticia de Xornal de Galicia:

A rotura dunha balsa de purín dunha explotación gandeira é a posible causa da morte de máis de 500 troitas no río Donas en Negreira.

Para máis información visitar a ligazón de xornal.com:

http://www.xornal.com/artigo/2010/07/23/galicia/vertido-purin-rio-donas-causa-muerte-peces/2010072323510201676.html

Salmóns caprutados e reos guiados en Galicia no 2010 Act. 05-07-10

2010-07-07T23:59:00.003+02:00

Pinchar nos cadros para velos ampliados

Salmóns caprutados e reos guiados en Galicia no 2010 Act. 21-06-10

2010-06-25T00:03:00.004+02:00

Pinchar nos cadros para velos ampliados

Salmóns caprutados e reos guiados en Galicia no 2010 Act. 07-06-10

2010-06-11T23:50:00.003+02:00

Pinchar nos cadros para velos ampliados

Campionato Provincial de Salmónidos Mosca 2010

2010-06-11T23:10:00.006+02:00

O pasado Domingo 6 de Xuño, celebrouse no Couto de Aranga do río Mandeo, e como xa vén sendo habitual, o Campionato Provincial de Salmónidos Mosca. A eso de comezar a 1ª manga da mañá, que me tocou pescar había algo de néboa, que foise disipando co paso dos primeiros minutos e comezou a aperecer o Sol. O río baixaba con non demasiada auga e o tramo a pescar era bastante bo (igual que pola tarde... tiven moita sorte), con sucesivas correntes. O certo é que conforme se esgotaba o tempo, as troitas non facían moito caso do engado e non foi ata faltando unha media hora escasa para rematar o meu turno, que dúas pintonas entraron con gañas á mosca en pouco intervalo de tempo entre ámbalas dúas, as cales valeron para puntuar. Polo menos xa non tiña un carolo coma o ano pasado... Pola tarde, as troitas seguiron mostrándose reáceas a comer na mosca, pero de novo conseguín outras dúas, que valéronme para sumar catro capturas das cales a peza maior medía 19,5 cm. Clasifiquei como 11º na clasificación final, algo sorprendente para min, sobretodo despois da "bicicleta" do ano pasado... De modo global, os meus compañeiros de Fario; Suso, Luisma, Juan Carlos e Martín e máis eu obtivemos uns bos resultados, ainda que houbo uns tramos que tocaron a pescar que eran bastante pésimos. Destacar o bo ambiente entre tódolos pescadores e organizadores (Federación Galega de Pesca e Sociedade Río Mandeo) e o desenvolvemento con total fluidez e normalidade da xornada.

O gañador foi David Arcay (Salmo), seguido no 2º posto por Miguel Prieto (V. As Pontes) e no 3º lugar Carlos Pernas (Trutta).

Salmóns capturados e reos guiados en Galicia no 2010 Act. 24-05-10

2010-05-26T20:45:00.004+02:00

Pinchar nos cadros para velos

Primeiro salmón do 2010 no Ulla

2010-05-03T19:21:00.003+02:00

Segundo unha noticia de La Voz de Galicia; o pasado Sábado 1 de Maio, foi pescado por un asturiano, o primeiro salmón do 2010 no río Ulla:

http://www.lavozdegalicia.es/deza/2010/05/02/0003_8457034.htm?idioma=galego

Esperemos que esta temporada sexa mellor que a pasada sobretodo para o salmón, que está "tocando fondo".

Por outra banda, este temporada non estou tendo moito tempo para ir ó río. O pouco que fun non deu para moito. Pero podo dicir que o Valiñas non está como anos anteriores. A parte de que se encontra cheo da area arrastrada polas choivas dende as obras do novo Eixo Atlántico de Velocidade Alta e da nova estrada a Meirama, non se lle ve demasiada vida piscícola, cousa que me ten moi preocupado. Veromos como segue a cousa.

Normativa de pesca en augas continentais para a temporada 2010

2010-02-14T01:18:00.003+01:00

O Martes 9 publicouse no Diario Oficial de Galicia a normativa de pesca nas augas continentais de Galicia para a temporada 2010. Deixo o enlace para vela:

http://www.xunta.es/Dog/Dog2010.nsf/FichaContenido/363A?OpenDocument

Na memoria do Maestro dos Pescadores

2010-01-29T00:02:00.003+01:00

Enlace do monográfico do programa Jara y Sedal na memoria de Rafael del Pozo Obeso, falecido en Cuba en 2009:

http://www.rtve.es/alacarta/todos/abecedario/J.html#675258

Rexeneración dos cauces públicos da Ría do Burgo

2009-12-30T14:48:00.003+01:00

Segundo unha noticia con data 29/12/2009 de La Voz de Galicia, a Consellería de Medio Ambiente licitou a contratación de servizos para redacción do plan de rexeneración ambiental dos cauces públicos da Ría do Burgo. O plan analizará a situación dos cauces fluviais da ría e priorizará as actuacións necesarias para a restauración ambiental da zona.

Para máis información visitar:

http://www.lavozdegalicia.es/coruna/2009/12/29/0003_8197321.htm

II Xornada Miguelpesca en Rois

2009-11-11T00:27:00.003+01:00

Salmóns ilegais en Ximonde-Río Ulla

2009-11-04T11:57:00.004+01:00

Sorprendente noticia sacada da páxina http://www.miguelpesca.com/ :

Días atrás a gardería realizaba o seguimento de varios salmóns por radio-tracking no río Ulla. O Domingo 25 de Outubro, unha señal conduciunos a un baixo utilizado por un restaurante como almacén e despensa con varios conxeladores. O denunciado, Lino Martín, afirma que catro gardas o chamaron por teléfono para que se persoe na porta do baixo. Alí, segundo o denunciado, indícáronlle que tiñan que entrar porque o aparato estaba sinalando que dentro había un salmón. Os gardas e o denunciado entraron no baixo, e nun dos conxeladores atoparon dous salmóns: o sinalado polo transmisor e outro máis. O denunciado di que os salmóns foron suministrados por un peón do Centro Ictioxénico de Ximonde, J. G. Rego, irmán dun dos gardas denunciantes, M. G. Rego.

Maís detalles na páxina indicada arriba.

Finou o maestro Rafael del Pozo

2009-10-30T12:41:00.003+01:00

O pasado día 24 de Outubro, finou o maestro da pesca a mosca, Rafael del Pozo Obeso, nun accidente de tráfico en La Habana (Cuba). Rafael, foi durante varios anos asesor de pesca do programa de Televisíon Española, Jara y Sedal, e posteriormente Director Técnico da revista Jara y Sedal Pesca. Foi, ademáis escritor, productor e director de vídeos de pesca.

O seu libro Moscas para la pesca (Editorial Everest) e os vídeos-documentais La pesca con mosca artificial e Truchas y Salmones de mi tierra (Arce Producciones), son dúas referencias moi importantes para min.

Descanse en Paz.

Final da temporada de salmónidos en Galicia

2009-10-13T22:55:00.007+02:00

Rematou a temporada de salmónidos 2009 en Galicia e como conclusión, primeiramente subxectiva, como "amago de pescador" e asiduo visitante dalgúns cursos fluviais galegos (principalmente da provincia da Coruña); teño que dicir que, non foi unha boa temporada. Collín menos troitas que o ano pasado e enganei algún que outro reo no sen morte do Mero (tampouco me deu os bos resultados do ano pasado, tanto en reos como en troitas). O meu querido Xallas tampouco o vin ben, polo menos a onde vou eu. Se podo, a temporada que vén, tentarei ir ó couto sen morte Xallas-Beba, a ver que tal se me dá.

Por outra banda, de forma obxectiva e atendendo ós datos da Xunta, en canto ás capturas de reo e salmón; pódese dicir que o panorama non dá señais de mellorar. En canto ó salmón (Véxase cadro da publicación deste blog do 12 de Setembro), o Eo e o Masma están en decadencia, o Mandeo vai cumplindo co seu cupo de 5. O Ulla quedou a 20 salmóns do cupo de 50 que se acadou o ano pasado e o Lérez e o Miño quédanse en 9 capturas entre ámbolos dous. 74 salmóns capturados de forma oficial en 6 ríos galegos. De pena...
As capturas oficiais de reo disminuíron en 225 en referencia ás do ano 2008, pero son mellores que as dos anos 2005, 2006 e 2007: de 1.943 en 2008 pasouse a 1.718 no 2009 (véxase o cadro de abaixo). A provincia con máis capturas foi A Coruña, e os ríos con mellores cifras foron o Mandeo con 382 reos, Tambre con 260 (401 en 2008), Xubia con 253 (prácticamente nas mesmas cifras da temporada pasada), o Sor con 243 (218 en 2008) e o Grande de Baio 222 (363 en 2008). Destaca a melloría do Anllóns, con 31 reos máis que 2008 (95 reos), e a do Eume (de 43 a 96 reos), despois da catástrofe do Chamoselo, o ano pasado. O Ulla baixou (de 186 a 62) ó igual que o Landro (de 92 a 53).

A plaga de verquidos segue a defenestrar km. de tramos de ríos: Verdugo, Sar, o Ulla en Monterroso, Manzanillo, Bendimón, etc. E cos pepeiros, volta a manipulación, a permisividade e ineptitude (como non podía ser doutra maneira...). Se non, como se pode afirmar que un tramo de río esquilmado por un verquido dende unha depuradora, esté dous días despois "recuperado"...? Iberdrola que siga facendo o que lle pete e desecando tramos do río Sil, non pasa nada, como é competencia da Confederación hidrográfica Miño-Sil, pois nada, a Xunta de Feijoó pasa de todo neno! Como se lles ve o plumeiro... O mundo vai para adiante, pero aquí en Galicia "avanzamos" cara atrás: "AEMS-Ríos con vida" consegue facer un tramo libre sen morte no Río Miño en Rábade, e ó ano seguinte, uns "galeguiños de detrás da silveira", co alcalde do pobo á cabeza, queren xuntar firmas para que o tramo en cuestión volte ser tradicional, con morte. Manda chover na Habana...

En fin... Nunca haberá nada bo que contar?

Salmóns capturados e reos guiados en Galicia no 2009 Act. 01-08-09 e 06-09-09 respectivamente

2009-09-12T20:49:00.007+02:00

Despois de solventar uns pequenos problemas, publico as actualizacións do número de reos guiados e dos Salmón capturados nesta temporada. Obsérvense os pobres resultados destes últimos coa temporada rematada o 31 de Xullo de 2009. Os números falan por eles mesmos.

Salmóns capturados e reos guiados en Galicia no 2009 Act. 06-07-09

2009-07-08T01:28:00.004+02:00

Pinchar nos cadros para velos

Salmóns capturados e reos guiados en Galicia no 2009 Act. 29-06-09

2009-07-02T23:17:00.003+02:00

Pinchar nos cadros para velos

Salmóns capturados e reos guiados en Galicia no 2009 Act. 22-06-09

2009-06-25T02:08:00.004+02:00

Pinchar nos cadros para velos

Salmóns capturados e reos guiados en Galicia no 2009 Act. 16-06-09 e 15-06-09 respectivamente

2009-06-22T23:43:00.005+02:00

Pinchar nos cadros para velos

Salmóns capturados e reos guiados en Galicia no 2009 Act. 08-06-09

2009-06-14T01:07:00.006+02:00

Pinchar nos cadros para velos

Resultados no Campionato Provincial Salmónidos Mosca 2009

2009-06-12T00:20:00.004+02:00

Despois das chuvias que precederan ó día 7 de Xuño, esperábase que o o Mandeo baixara revolto... e así foi, e ademáis algo crecido. Había que sacar as ninfas da caixa e poñelas a funcionar. O certo é que ou non funcionaron elas ou non funcionei eu. Vai ser que as dúas cousas e con maior probabilidade a segunda... A choiva e as baixas temperaturas para o mes de Xuño acompañáronnos ó longo da xornada. Pero o Couto de Aranga portouse moi ben de forma global, posto que se sacaron ó redor de 100 troitas puntuables. Ainda que eu levei un carolo nas dúas mangas, non me tocaron uns tramos moi difíciles de pescar, pero había zonas nas que a corrente era forte e había que andar con moito tino para non darse un chapuzón; e co día que estaba non era plan. Pero ben, de todos xeitos, a molladura xa a tiña igual...

Os participantes de Fario non sacamos bos resultados: Luisma e Rubén conseguiron cadansúa pintona e os demáis levamos unha "bicicleta"... Pero foi unha xornada na que o pasamos ben e como se soe dicir: xa virán mellores días de pesca.

O gañador do campionato foi Rafael Bellas (C.P. Xuvia), seguido por Alejandro Villanueva (V. Carballo) e Juan Carlos Suárez (Salmo).

Campionato Provincial Salmónidos Mosca 2009

2009-06-04T23:39:00.003+02:00

O Domingo 7 de Xuño terá lugar no Río Mandeo (Couto de Aranga) o Campionato Provincial Salmónidos Mosca. Teño a sorte de estar convocado xunto cos meus compañeiros da Sociedade Fario Laracha: Suso, Luisma, Juan Carlos, Rubén e Martín.

O Programa do Campionato é o seguinte:

-07:30. Concentración dos participantes no restaurante bar Platas.
-09:00. Inicio da 1ª manga.
-11:00. Finaliza a primeira fase. Cambio de pescador e control.
-11:15. Inicio segunda fase.
-13:15. Fin da 1ª manga.
-14:00. Concentración no restaurante San Lorenzo.
-16:00. Inicio da 2ª manga.
-18:00. Finaliza a primeira fase. Cambio de pescador e control.
-18:15. Inicio segunda fase.
-20:15. Fin da competición.
-20:45 a 21.30. Entrega de plicas no restaurante bar Platas Unha vez elaborada e verificada a clasificación, Clausura do campionato, e entrega de trofeos.

Sorte e a conseguir unha boa clasificación.

Un mes de temporada

2009-04-15T23:25:00.004+02:00

Despois de cumplido un mes de temporada de pesca fluvial en Galicia, debo dicir que estou dando paus de cego, e coma sempre quedo a "dúas velas". Non fun moitos días de pesca, pero xa visitei o río Xallas, o Barcala, o Deo, o Lengüelle, etc. e intento buscar unha explicación a que esté pescando tan pouco: uns días o vento do norte, o frío, os ríos algo baixos para a época do ano na que estamos, o tempo que agora está inestable, que non hai troitas, que si a lúa... "y tal y tal" como di Luís Aragonés. E chego á conclusión de que debo ser moi malo, porque, son demasiados días de carolos... O transcurso da temporada daráme a razón ou non (quedan catro meses), a ver o que pasa: Xa irei contando.

Por outra banda, parece que tamén comezou a "temporada de verquidos"... Segundo lin na páxina de Miguel Piñeiro (www.miguelpesca.com), esta vez tocoulle ó río Bendimón, na Serra de Outes, e principalmente ás súas troitas... E nada! Seguirán os verquidos, e os responsables, na súa maioría, continuarán libres de castigo.

Tamén, tocando outro tema, é unha incógnita, o que lle espera ós nosos cursos fluviais, polo mínimo, nos vindeiros catro anos, logo de que o PP gañase as eleccións ó Parlamento de Galicia. Polo ben da nosa Terra galega, espero que esta vez os pepeiros se esmeren no exercicio do goberno, non coma nos 16 anos de Fraga. Voltarán unha morea de minicentrais ós ríos galegos coma voltan os Salmóns dende o mar ó río no que naceron? Espero que o segundo siga sucedendo, pero o primeiro... por favor... NON!!! Toca rezar ou ter moita paciencia, non só cando as troitas non pican, senon, para que dunha vez por todas, a Xunta se decida, de forma directa e decisiva, por coidar e recuperar os ríos e rías do país. Os ríos creo que, coma todo, chegan a un límite, e se lles seguimos dando tantos paus, acabaremos con eles. Coidemos do entorno para que se conserve nas mellores condicións. Nós estamos de paso, pero virán outros detrás.

Normativa da Temporada de Pesca Fluvial 2009

2009-03-07T23:58:00.004+01:00

O Mércores 4, publicouse (e xa era moita hora) no Diario Oficial de Galicia, a Normativa de Pesca Fluvial da Temporada 2009. O máis destacado: A Temporada comeza o vindeiro Domingo día 15 e remata o 15 de Agosto (en tramos de reo, salmón e alta montaña, comeza o 1 de maio); sendo os Luns xornadas inhábiles, e tamén os Xoves para os coutos (agás festivos do país e estatais). Prolongándose ata o 30 de Setembro nos coutos intensivos, de pesca sen morte e coutos de reo. A novidade é que se volta á medida mínima xeral para a pesca da troita de 19 cm. salvo normas específicas establecidas en determinadas masas de auga. A cota máxima de capturas de troita é de 10 exemplares, salvo normas específicas marcadas en determinados tramos fluviais. A "troita arcoiris" (Oncorhynchus mykiss), como xa se sabe, non ten nin dimensión mínima nin límite de capturas. Outra novidade e boa noticia, é que o Couto Xallas-Beba ábrese á pesca, logo de que na temporada 2008 estivese vedado, por motivo do desastre da Fervenza en Novembro de 2007. Pero a categoría do couto, deixa de ser tradicional, para establecerse como de pesca sen morte.

Para ver a normativa completa: http://www.xunta.es/Dog/Dog2009.nsf/FichaSeccion/C6D6?OpenDocument

O peor soe ir a peor

2009-01-06T01:12:00.007+01:00

Como todos sabemos, o día 1 de Marzo están convocadas as Eleccións ó Parlamento de Galicia. Toca polo tanto facer balance destes catro anos do exercicio do poder político, neste caso, nos ríos e rías no país dos mil verquidos.

O máis destacado e bo que lle vin á Consellería de Medio Ambiente nestes últimos catro anos, é o feito de que frenara a sangría de minicentrais proxecatada (feita con présa e sen pausa) polos verdugos do goberno anterior, que se sumaría á xa abundante existencia destas nefastas construcións en anos anteriores. Por outra banda, tamén é unha boa noticia que as repoboacións de troita se fagan con cabeciña e atendendo ós técnicos e científicos espertos na materia (a ver se é verdade), e non atendendo a connotacións populitas. Pero voume centrar en algo que ensombrece con notoriedade as boas xestións que se teñen feito: O desastre da Fervenza. É obvio que este acontecemneto, ten un culpable directo, FERROATLÁNTICA, e un indirecto, a CONSELLERÍA DE MEDIO AMBIENTE, se se me permite dicilo así. Non só se deben vixiar os ríos, encoros, etc. en determinados momentos do ano. Débese ser constante neste senso, como en case todo. Se a Consellería vira (que ó mellor viuno) o nivel das augas do encoro nunha situación crítica nos días anteriores a aquel 11 de Novembro de 2007, debería (de contado) pegar un toque de atención á empresa do ex-ministro de Franco, Villar Mir (outro verdugo), para evitar unha desgracia; pero neste país bananero, as trapalladas están á orde do día. O Presidente da Xunta, debería ter máis presenza, como presidente que é, e cesar ó Conselleiro (por incompetencia), xa que éste non tivo a valentía de facelo: Como costa recoñecer os fallos... !!! E sobre todo, penso que a Lei, tiña que ser moito máis dura do que é cos responsables destas desfeitas. Ademáis, eu vexo que a maioría dos ríos e regatos que visito, seguen no mesmo estado de abandono que hai anos, e en ocasións están peor. As construcións de vías de transporte e comunicación son necesarias, pero non é tolerable, que cando as chuvias fan acto de presenza, toneladas de area se arrastren desde estas obras ós cursos fluviais e ninguén faga nada por corrixir as consecuencias nefastas deste feito.

Polo demáis, penso que pouco mellor imos que cos pepeiros. Sinceramente estou bastante decepcionado, porque tiña moita ilusión hai catro anos. Esa ilusión tornouse en apatía e desilusión. Se o próximo 1 de Marzo chegan ó goberno galego os Feijoós & Company... ou moito me equivoco, ou dame que será máis do mesmo ou peor, é dicir: INCOMPETENCIA!!!! Como di unha canción dun conocido grupo musical da costa oeste norteamericana: "worst come to worst", ou sexa, "o peor vai a peor".

Concentración no Encoro da Fervenza-Río Xallas

2008-11-13T21:57:00.006+01:00

O día 11 deste mes de Novembro de 2008, cumplíase un ano do desastre do Encoro da Fervenza, que provocara a morte de milleiros de peixes ó quedar a presa prácticamente sen auga: CULPABLE FERROATLÁNTICA de VILLAR MIR. Ante o aniversario desta catástrofe, para espresar a xenreira hacia estes tristes acontecementos e para que éstes non se repitan, o Club Salmo de A Coruña, convoca unha concentración este Sábado 15 de Novembro na Presa da Fervenza ás 12:00 do mediodía.
Saúdos.

O Lengüelle... de novo

2008-10-26T19:59:00.007+01:00

Xa había un par de mesiños que non escribía neste espazo da rede, e pensara en contar como me fora nos derradeiros días de pesca fluvial no país dos mil ríos. Pois ben, a idea truncouse e terá que esperar a días mellores, xa que esta semana ocorreu outra desgracia; esta vez no Río Lengüelle ó seu paso por Xesteda (Couto de Boicalbo, Cerceda) (Ver a noticia en: http://www.lavozdegalicia.es/galicia/2008/10/21/0003_7242733.htm?idioma=galego): centos de troitas apareceron na superficie da auga co bandullo mirando ás polas dos abeneiros. Parece que nunca (co case diante) se pode falar de noticias alegres cando de natureza se trata. O Lengüelle, non vive tranquilo dende hai moito tempo por mor da industria contruída no seu arredor. Esa industria, incluída SOGAMA, son os principais sospeitosos, ou directamente culpables dos "paus" que recibiu o río dende hai uns anos. Estaba comezando a recuperarse, pero outra vez a pantasma dos verquidos contaminantes se cebaba cun río galego. Levamos un ano no que non chegan os dedos das mans para contar as desgracias nos cursos fluviais desta parte da Península: comezando polo Catasol (por partida doble), seguindo pola catástrofe do Xallas, o Ulla, o Umia, o Miño, o Lagares, o Mandeo, o Grande, o Gallo, o Con, o Eume, o Mero (pesqueino varios días no verán e en ocasións, a auga levaba unha cor máis que sospeitosa), o Landro, o Mercurín, o Tambre, o Dubra, o Xuvia (que non "Jubia", como se oe dicir por aí...), e acabando polo Lengüelle. (e seguro que se me esquece algún).

Unha imaxe, por desgracia, demasiado habitual

Por todo este desolador panorama, o próximo texto que escriba (se desilusión me deixa) irá adicado a como me foi nos derradeiros días da tempada de pesca fluvial no país dos mil desaugues. E dende aquí dou un berro cheo rexeitamento a esta serie de verquidos, pedindo á Consellería de Medio Ambiente traballo e dedicación abasoluta para parar isto, e por suposto, para atopar e sancionar ós culpables de tan detestables feitos.

Saúdos.

A fotografía está sacada da páxina: http://www.lavozdegalicia.es

¡Perigo! Gando porcino "autóctono" ceibo

2008-08-18T23:22:00.008+02:00

Este titular deberíase pór en carteis anunciadores en áreas verdes, para avisar a aquelas persoas que van de paseo desexando encontrar un espazo libre de lixo, de que sen non queren coller un cabreo de "dous pares", así xa non sigan; posto que, progresivamente, está proliferando un novo tipo de porco "autóctono" en Galiza, ó cal deixan andar ceibo por festas, romerías do país e outros sitios. Un bo exemplo (hai moitos outros), son os regos de merda que se podían ver a semana pasada na insua da cola do Encoro da Fervenza (Río Xallas) e arredores, onde se celebrou (e se celebra tódolos anos) a festa denominada co mesmo nome. Eu que ía cana de pescar en man, comecei a ter arcadas, polas continuas moreas de lixo (bolsas, botellas, cagallóns, compresas, basos... de todo) que ía atopando e tendo moita conta de non pisar unha desas cagadas de porco. Parece que estes animais non saben desfrutar da festa sen ensuciar, porque penso que non é tan difícil coller e cando todo remata, meter os restos de lixo en bolsas e levalas a un contedor, que seguro que hai varios de camiño; e se che entra un apuro, seguro que pode haber servizos ó dispor dos usuarios.

Os porcos que ten o veciño na súa granxa, seguro que teñen máis cerebro que os que fixeron isto

Non hai que xeralizar, pero polo momento, e parece mentira que estemos no século XXI, non nos concienciemos de que o mundo non é noso, e non podemos facer o que nos veña en gaña. Hai outros seres e outras persoas ás que respetar neste planeta e na sociedade. A algúns o ir á escola, está visto que non lles serviu de moito. Respetemos o medio natural, e pensemos nas xeracións futuras, que van ser os que peor o van pasar se non cambiamos o rumbo das cousas. Tornemos esta sociedade de porcos (ou preas) nunha sociedade de persoas con tódalas letras.

Non estaban na cuadra: estaban de parranda

Os montes, os ríos, os animais, están continuamente sufrindo agresións. Este verán parece que os incendios forestais (ó igual que o ano pasado) van a menos, pero pola contra, está sendo un ano fatal para os cursos fluviais. Esta última semana houbo mortandades de troitas nos Ríos Grande (en Vimianzo) e Gallo (en Cuntis), por uns verquidos dos cales non se sabe aínda a procedencia. Por outra banda, a mala sorte cebouse co Río Catasol a finais de xullo (afluente do Furelos, e que xa sufriu un verquido de puríns hai cousa dun ano), coa vertedura de alquitrán procedente da cisterna dun camión accidentado no seu leito. E o Eume segue en agonía dende hai dous meses, sen que a Xunta de Galicia actue como é debido, con man dura. Negro panorama. Espero que esa especie endémica de "porco de Galiza", tome conciencia do porco que é, e por fin deixe de selo.

Saúdos.

As fotografías son do autor do blog.

Por terras do Ribeiro

2008-08-04T23:40:00.007+02:00

O Arnoia en Pontearnoia

Boas de novo a todos. Despois de tomar o mes de Xullo como mes de, entre comiñas, "descanso", volvo porme ante as teclas do ordenador para contarvos a última espedición sendeiro-pesqueril á provincia de Ourense, na que por certo, nunca pescara. Os foreiros do foro de pesca da páxina web de Secundino Lorenzo (www.galeon.com/sloren), acordamos reunirnos nun Río e compartir unha xornada de pesca, coñecementos, vivencias, etc. Ó final, por diferentes motivos, só poidemos ir Pedro e máis eu. O Domingo 3 deste mes, erguinme cedo, collín os aparellos, metinos no coche e arranquei cara Pontearnoia (Pasando Ribadavia). Cheguei sobre as 11 da mañá, e Pedro xa levaba unhas horas no Río tentando ás esquivas pintonas do Arnoia. Procuramos enganalas ata a hora de comer sen éxito (Pedro só collera unha). Teño que dicir que non estou acostumado á calor de Ourense, e sudei "de lo lindo". Fomos comer, e de paso vimos un pouco a Fórmula 1, ademáis de charlar sobre pesca e un pouco da vida de cada un. Posteriormente e sen durmir sesta, movémonos cara o Río Avia, por encima de Ribadavia, para logo ir máis arriba a Pazos de Arenteiro. O Avia levaba menos auga que o Arnoia, ademáis de ter tramos moi parados, pero os dous gustáronme pola súa beleza. Pedro (grandísimo pescador coa cucharilla, un maestro) ainda ía pescando algo, pero eu... non o digades por aí, o que é "catar" unha troita non a catei: e iso que que probei con mosca seca e ninfa, para despois cambiar ó aparello de buldó. O resultado foi un escalo que me deu Pedro e outro que collín eu.

O Avia en Pazos de Arenteiro

Foi outro capote para a coleción... Pero paseino ben igual, que quede claro. Con desfrutar da natureza xa me basta. E máis cun compañeiro de espedición coma Pedro (dende aquí un saúdo e moitas grazas pola xornada). A temporada que ven espero repetir máis dunha vez e que veña máis xente.

As fotografías son do autor do blog.

Mortandade de reos no Río Eume

2008-06-20T00:00:00.000+02:00

O Río Eume

A alarma saltou o fin de semana pasado nas Fragas do Eume: uns pescadores avistaron a varios reos (Salmo Trutta Trutta) mortos na superficie da auga e a outros agonizando e con manchas polos seus corpos (visitar a páxina http://www.vadeando.com/). O SEPRONA recolleu algúns reos finados para a súa análise ó igual que recolleu mostras de auga para intentar averiguar o por que da morte dos peixes. O curioso e estrano é que non apareceron troitas (Salmo Trutta Fario) mortas nen enfermas. Polo momento non se sabe que é o que pode estar acontecendo nas augas do Eume, pero espero que pronto se chegue a unha conclusión e se depuren as responsabilidades de tan triste suceso. O culpable/s debe/n pagar e que isto lle/s doia moito. Parece que os problemas dos Ríos/as, e da Natureza en xeral non se resolven: hai unhas semanas houbo verquidos de carburantes no Río Ulla e no Miño; esta semana outro no Mendo en Betanzos; a Ría do Burgo é unha poza negra e non se dá posto un remedio; por non falar da catástrofe ocorrida no Novembro pasado no Encoro da Fervenza no Río Xallas e que matou a milleiros de peixes. Estou perdendo a esperanza polo feito de que a Administración Local e Autonómica poñan unha solución dunha vez a este descontrol e que a Lei mostre a súa parte máis dura contra os terroristas meidoambientais. Pero iso: a esperanza é o último que se perde.

A fotografía está sacada da páxina: http://picasaweb.google.com

Carta a un poeta "antiecologista" y a sus secuaces

2008-05-16T00:05:00.001+02:00

Encoro de Frieira no Miño

Estando nun foro de pescadores veu un "poeta" dicindo frases coma "que desaparezcan los ecologistas y que dejen en paz al mundo" ou "ríos sí, hormigón también"... e outra xoia:
"energías eólicas y/o solares. Ambas energías no son eficientes y, además, no son económicas" defendendo como é obvio a construcción continuada en Galiza de encoros, minicentrais, etc. Pois ante esta morea de barbaridades, hai que escribirlle unha pequena carta a este gran "poeta" gallego, e a ver se a sabe ler, cousa que dubido...

"energías eólicas y/o solares. Ambas energías no son eficientes y, además, no son económicas"; ó fin e ó cabo, o que vos importa a tipiños coma ti, é iso ¿non? O DIÑEIRO. ¿Que é o que pretendes? ¿Que se constrúan máis encoros no Miño? por exemplo; como ten poucos... E apoiarás a Villar Mir, que non lle chega con ter catro encoros nun Río como é o Xallas, que nin á súa desembocadura (unha das máis fermosas e singulares do mundo) lle deixan unha mexada de auga; e non estando contentos con isto, agora queren facer unha presa máis grande (Novo Castrelo) que acabaría por anegar a última Fraga máis occidental de Europa, a Carballeira de Anllares. ¿Queres que siga? As presas que ti tanto defendes e ós seus donos, impórtalles un carallo (con perdón) os ríos e a natureza (Fenosa, Iberdrola, etc.) É outra maldita herdanza dos 40 anos de Francisco (comparable con Fernando VII; os dous son a vergoña dos galegos e dos españois). Por culpa dos encoros, desapereceu o Salmón do Miño, do Tambre; o Umia está defenestrado, o Eume igualmente, e podería seguir dicíndoche a cantidade de Ríos e Regatos finados en km. por culpa desas minicentrais de cemento que tanto che gustan. Estes son argumentos con pé de HORMIGÓN, dun ecoloxista que o é dende pequeno; os teus caen pola forza da AUGA e dos RÍOS. A algúns déronnos unha educación acorde, ou polo menos próxima ós tempos que corren. Homiño de Deus... a ti educáronte con ideas reccionarias, propias da forma de pensar de "Paquito el chocolatero del Ferrol". Penita, pena... ¡Qué Dios guarde de ti!

A troita que me alegrou a alma

2008-05-13T22:03:00.001+02:00

O Sábado á tarde baixei pescar, a eso das 18:30, ao meu querido Río Pingüela (ou do Val de Veiga), chovía e parecía que podía conseguir algunha captura a pesar do vento. Fun probando nas correntes e nos pozos pescando á miñoca e conseguín ter unha cantas picadas en case tódalas varadas. Ata que cheguei a unha pequena corrente na que non pescaba dende o 18 de Marzo (onde conseguira unha captura duns 25 cm. que devolvín á auga)coa esperanza de que alí podía haber algunha pintona. Lancei o engado, e ao intentar mover a cana noto que está clavada como se fose nunha herba ou brizo; tiro con forza para desenganchar, cando vexo que o sedal comeza a moverse dun lado para outro, pego un tirón... e aí estaba outra vez a mesma troita daquel 18 de Marzo, máis gorda, pero a mesma, chapoteaba na superficie da auga e a punta da cana doblábase todo o que podía ante a loita da pintona. Foi un momento incríble. O malo é que vin enseguida que sangraba moito polas agallas, e comprobei que tragara moito o anzol: inmediatamente cortei o sedal cos dentes, porque sacarlle o anzol sería mortífero. Observei a troita dúas ou tres veces antes de meterme no Río para ceibala de novo, ¡preciosa!, reanimeina durante uns minutos e parou de sangrar. Ó pouco, foi coleando cara á corrente ata refuxiarse na cepa dun abeneiro... Elegroume a tarde, nunca me pasara isto, e podo dicirvos que é escepcional; e mostra o grande que é a pesca. Alegroume a alma e sentinme coma nunha nube. Un saúdo a todos.

Las aficiones: unas cuantas

2008-04-07T01:15:00.000+02:00

Bueno gente! Un saludo antes de nada. Soy Álvaro, un joven de 24 años que desea compartir con los internautas información, anécdotas, etc. o lo que sea sobre mis aficiones; que son unas cuantas :)
Me encanta desde muy pequeño el deporte, sobretodo el fútbol. Mi equipo de siempre, en las duras y las maduras, es el Depor, y parece que esta temporada está saliendo mejor de lo que nos pensábamos hace tan solo unos pocos meses. Mis jugadores favoritos son dos zurdos y ya están retirados: Fran y el gran Maradona (para mí el jugador más determinante y brillante de la historia). He tenido el privilegio (si se me permite la palabra) de verlos en directo a los dos en el mismo partido; fue en Riazor, en un Deportivo-Sevilla de la temporada 92/93 con resultado de 2-0. Como sabéis era el comienzo de la época dorada del Deportivo y Fran era un valor en alza, sin embargo, Maradona estaba en horas bajas, pero intentando "salir a flote". Una pena lo que le ocurrió en el 94.De estos dos cracks se puede hablar largo y tendido, y lo haré en breve.
El deporte es algo fundamental para llevar una vida sana y para sentirse bien uno mismo. Juego en un equipo de fútbol de Tercera Regional (soy bastante paquete xD): juego casi siempre en la defensa de lateral, pero también en medio campo e incluso de delantero. De hecho he juagdo en todas las posiciones menos la de portero xD Cuando puedo salgo a hacerme unos km. de carrera continua y sientan de maravilla.
Otra de mis pasiones es la Fórmula 1. Aunque aquí la afición es pasiva xD: lo veo por la tele y me informo en las revistas especializadas, compro libros o DVD's. Mi interés por la Fórmula 1 ha ido creciendo a lo largo de estos años y la culpa de ello la tiene Fernando Alonso. Para mí es uno de los mejores pilotos de la historia de este deporte, y lo demuestra temporada a temporada; y estoy seguro de que en el futuro conseguirá más campeonatos del mundo. La irregularidad es algo que no existe en su forma de pilotar. Tanto en seco como en mojado, no comete fallos. La presión no hace temblar ni la cabeza, ni las manos, ni los pies de Fernando. En 2005 y 2006 ganó los campeonatos del mundo con un monoplaza menos veloz pero más fiable que sus principales rivales, McLaren y Ferrari, dando cuenta de su gran habilidad al volante. El año pasado McLaren (todo el mundo lo ha visto) le dio al asturiano un trato poco ético y poco acorde con su categoría, nivel profesional y logros conseguidos en anteriores temporadas. Fernando ante esta situación, se comportó como buen profesional, teniendo que aguantar las jugarretas de su compañero de equipo L. Hamilton y el trato preferente a éste por parte de Dennis, y de los comisarios de la FIA (como en Hungaroring). Al final el gran perjudicado fue Fernando y el que aprovechó la pésima gestión de Dennis (espionaje incluido), y los fallos garrafales de Lewis en China y Brasil fue Ferrari ganando el mundial de pilotos y de constructores. Esta presente temporada se presenta como una incógnita para el español: el R28 no está a la altura de los grandes y Fernando hace lo que puede en cada carrera para poder arañar puntos. Esperemos que los resultados vayan mejorando.
La música: mi estilo preferido es el hip-hop, aunque escucho muchos otros estilos. El funky de los 70, el soul, el rock de los 60-70, el house, el reagge, etc. Soy discjockey; colecciono vinilos desde hace 7 años, cuando empecé a hacer mis primeras sesiones con dos giradiscos y una mezcladora. En la actualidad soy el dj de El Pablo y de Ales&Skep, mc's de Coruña. Además he formado parte del grupo La Galerna (junto con Ales y Element) y sacamos una maketa llamada "Cuando La Galerna suena" en el año 2005. He colaborado en la maketa de Element "Nébula" (2006). Mis influencias y artistas favoritos son Common, Pete Rock & CL Smooth, Jay Dee (D.E.P.), 9th wonder, Nas, EPMD, Masta Ace, DJ Premier, DJ Q-bert, DJ Babu, DJ Tedu, Acción Sánchez, Jotamayúscula, Geronación, Ari, Violadores del Verso, 7Notas7Colores, Payo Malo, Aretha Franklin, James Brown, Bob Dylan, The Doors, Bob Marley, Blur, Oasis, Cold Play, etc, etc.
Continuará....